Farishtey!

Kabhi hoti hai zindagi mein subah aisi,
Subah woh,
Jo ban jaaye ek raat,
Ek raat woh,
Jo rahegi ab saath,
Ek saath woh,
Jahaa ho sab tanhaa,
Tanhaa woh,
Jahaan koi hai nahi apna.

Kabhi koi mil jata hai aisa bhi apna,
Lagta hai jaise ho koi sapna,
Par,
Sapno ka kya?

Sapne toot jaate hain.
Apno ka kya?
Apne rooth jaate hain.

Lekin, hota hai koi aisa bhi rishta,
Jisse kehte hain hum,
Hota nahi aisa doosra koi apna,
Le jaata hai wo kuchh hamare bhi ghum,
saath khade nahi rahe lekin fir bhi hum.

Log kehte rahe,
kuchh hote nahi ye sab rishtey.
Ye to hain aajkal sirf bikte,
Kabi dekar dekho do-chaar sikke.

Lekin, hote hain kuchh aise bhi rishtey,
Jinke kabhi Jazbaat nahi hilte,
Wo ek baar hain zindagi mein humein milte,
Shayad tabhi kehte hain unhe hum,
Farishtey. . . . !!!!

~Kabir Malik
03rd Sept, 2015
01:24 am

Advertisements